13. februar, 2010


Kamilla Halvorsen Kløvning har hovudrolla i årets musikal MoonWalker. Ho skildrar seg sjølv som liten, glad og kjekk, så ho synest eigentleg at ho burde bli flinkare å tenkje positivt om seg sjølv.

Ei blid, låg jente kjem spaserande mot meg. Vi har avtalt dette intervjuet ein dag i førevegen. Det er vanskeleg å få tak i Kamilla, ho har så mykje å gjere. Då ho endeleg kjem, er det vanskeleg å finne eit rom. Alle er opptekne, fulle av musikkelevar som øver. Vi finn oss til slutt eit lite grupperom, og set oss ned.

Eg startar med å spørje om ho synest det er skummelt å ha hovudrolla. «Ja», svarer ho raskt. «Fordi det er så mykje som blir lagt på meg, føler eg. Og så må du på ein måte leve deg veldig inn i rolla for at det skal bli bra. Det er eit stort press på at du må gjere det bra, liksom.» Dei blå augene hennar møter mine. Ho ser roleg ut, avslappa. Det verkar ikkje som om ho er spesielt nervøs over tanken på at om mindre enn ei veke skal ho stå på scena foran 400 mennesker, men ho er det.

Les meir av dette innlegget »

Del på Facebook
12. februar, 2010

Elevar frå Service og samferdsel skal tradisjonen tru drive kafé under musikalframsyningane i år. Dei har jobba med oppdraget i to månader, og kan love eit spanande konsept. Kaféen vil spele på same tema som musikalen – difor namnet Oriowald, som er namnet på den mystiske og løyndomsfulle skogen i handlinga til musikalen. – Vi vil freiste å skape ei atmosfære i kaféen som skal minne om ein mystisk og stemningsfull skog ei måneskinnsnatt, seier dagleg leiar for kaféen, Svein-Ivar Sætre, og kiosksjef Tarjei Velle Skjelbostad. Både medielinja på Volda vgs og formgjevingslinja på Ørsta vgs bidreg med å dekorere kaféen, både fysisk og audiovisuelt.

Det er 16 elevar i klasse 1SA1 som driftar kaféen, i samarbeid med Volda vgs. Kafédrifta vert gjort på profesjonelt vis, etter ungdomsbedriftprinsippet. Matutvalet vil vere enkel og god mat som folk kan ta med seg i handa. – Vi vonar publikum vil vitje kaféen og kose seg med god mat i pausen, og at stemninga frå fyrste akt vert ivareteken fram til andre akt, seier elevane.

MAT
Pølse m/brød kr. 15,-
Vafle kr. 10,-
Brownies kr. 10,-
DRIKKE
Brus kr. 20,-
Kuli kr. 10,-
Kaffe kr. 10,- (påfyll kr. 5,-)
SNOP
Klubbe kr. 4,-
Sjokolade kr. 15,-
Popcorn kr. 10,-

To blide karar (frå venstre): Kiosksjef Tarjei Velle Skjelbostad og dagleg leiar Svein-Ivar Sætre.
Foto: Sunniva B. Heltne.

Del på Facebook
12. februar, 2010

Førre helg var det øvingshelg for musikkelevane ved Volda vidaregåande skule. Med litt over ei veke att til premiera på årets musikal, var det ikkje alt som var på plass. Men det nærmar seg.

Michael Jackson. Overalt. Musikkelevar som dansar. Syng. Stressar. It doesn’t matter if you’re black or white. Eit par dansesko ligg i eit hjørne. Ei dame serverer engelske glosar. ”You have to stand up straight!” Thriller. Lærarane pratar med kvarandre. Diskuterer. Elevane ser lykkelege ut. Lykkelege for at det snart er premiere, eller lykkelege for at det heile snart er over?

Les meir av dette innlegget »

Del på Facebook
10. februar, 2010

Laurdag 6. februar og søndag 7. februar var det duka for øvingshelg for musikkelevane. Koreografi, sang og drama skulle terpast på, og med kort tidsskjema var stressfaktoren høg.

Vi snakka med fem elevar kl. 17.00, og det var ikkje få timar dei hadde vore på øving.

- Kva er di rolle i musikalen?
- Kva forventningar har du?
- Korleis har det gått på øvingshelga?

Anna Elise Vadset, 1MU
På øving sidan kl 12.00

– Mi rolle i musikalen er å synge i koret, og danse på «Childhood». Eg har også ein solodans på «Blood on the dancefloor».

- Eg forventar at det blir bra, og trur at musikalen kjem til å bli kjempekul. Det er eit veldig «hipt» tema som ungdommen likar.

- Det har gått heilt greit, vi har fått øvd, i vertfall. Det har alltid vore veldig etter skjema, så det var litt ukult. Men elles har det gått bra, men det kunne gått betre.

Les meir av dette innlegget »

Del på Facebook
9. februar, 2010

For eit par veker sidan var han å sjå på TV-skjermen. Neste veke er det Ørsta kulturhus sin tur å få ein bit av Simen Rotevatn. Og han gruar seg.

Han har fått smake på kjendisstatusen i det siste, etter at han var med i Det Store Korslaget. Saman med Team Simone song han seg inn i Noregs hjarter. Heilt til dei rauk ut, sjølvsagt. Men det gjorde ingenting, for heime i Volda var det ein musikal som venta på Simen.

Skummelt
Eg byrjar med det sjølvsagte spørsmålet. Korleis er det eigentleg å ha hovudrolla i ein musikal? ”Det er veldig skummelt” seier han raskt. Ingen tvil. ”Eg er førsteklassing..” han ser på meg, som om eg burde forstå. Forstå at det er himla skummelt å ha hovudrolle i ein musikal når du berre går i 1.klasse. Eg forstår. ”Det er ikkje alle musikkelevane som tykkjer om at ein førsteklassing får hovudrolla” seier han med ein litt seriøs tone. ”Men det er veldig gøy.”

Les meir av dette innlegget »

Del på Facebook
8. februar, 2010

Andreas Remøyholm
Eg har ansvaret for alle lydeffekter til websida, flashanimasjonar og eventuelt filmar. Eg skal også vere med på å lage eiga musikalsending til Radiohaud.

Det eg synest er aller mest utfordrande er å lage ei bra og gjennomført radiosending. Ein kan snakke om mykje bra, men det er lydeffektene og slike ting som skapar stemning. Det er også utfordrande å lage alle jinglar og vignettar til radiosendinga på grunn av tidspress.

Det eg gler meg mest til er å sitje og sjå på framsyninga, og synkronisere lyden med fleirkameraproduksjonen.

Les meir av dette innlegget »

Del på Facebook
4. februar, 2010

André Innselset, 1MU:
Det eg gler meg mest til er framsyninga, og kicket ein får av å stå på scena.
Eg forventar at det skal bli bra, da. Og det trur eg det blir også.
Eg er litt lei for at det blei Michael Jackson-musikk, må innrømme det. Det stod mellom han og The Beatles, og eg håpa det skulle bli The Beatles. Men så klart måtte det bli han, sidan han døydde nyleg.
Mi rolle i musikalen er å danse og synge i kor.

Les meir av dette innlegget »

Del på Facebook
web count